18 Mbaroni wakijaribu Kuua Tabora

Picha
WATU 18 wanashikiliwa na Polisi mkoani Tabora wakihusishwa na matukio matatu tofauti, likiwemo la kujaribu kuua wanawake wanne. Wenye tuhuma za kujaribu kuua wanawake wanne kwa kuchoma moto ni 16 huku wengine wawili kwa tuhuma za mauaji.
Taarifa iliyotolewa na Kamanda wa polisi mkoa, Emmanuel Jackson ilisema kuwa wananchi kwa kushirikiana na polisi wa wilaya ya Kaliua waliweza kuwaokoa na kifo wanawake wanne waliokuwa wamekamatwa na walinzi wa jadi zaidi ya 200.
Kamanda Jackson alisema kuwa Julai 16 mwaka huu saa nne usiku katika msitu wa Hifadhi ya Isawima, kata ya Igwisi wilaya ya Kaliua kiongozi wa sungusungu aitwaye Ingese Irea akiwaongoza wenzake 200 kuwakamata wanawake wanne.
Alitaja wanawake hao kuwa ni Velediana Paulo (70), Modesta Magazi (45), Joyce Elias Magazi (33) na Nyamizi Dotto (40) ambao walitaka kuuawa wakituhumiwa kuwa ni wachawi.
Aliongeza kuwa watuhumiwa hao na wenzao ambao bado wanasakwa waliwakamata wanawake hao kisha walikusanya kuni na kuwasha moto kwa dhumuni la kuwachoma.
Kamanda Jackson alisema kuwa wakati watuhumiwa wakiendelea ili kufanikisha unyama huo taarifa kutoka kwa wananchi wema zilifi ka polisi ambao bila kukawia walifi ka eneo la tukio na kuwaokoa na kufanikiwa kuwakamata baadhi yao.
Matukio ya aina hii ambayo yameegemea kwenye imani za kishirikina yanaendelea kushamiri katika vijiji mbalimbali vya mkoa wa Tabora hasa ambako wanaishi jamii ya wafugaji wa kabila la Wasukuma na kuupa mkoa sifa mbaya.
Mwishoni mwa mwaka uliopita watu wengine 55 wakazi wa kata ya Loya wilaya ya Uyui mkoani hapa akiwemo Mwenyekiti wa Serikali ya Kijiji hicho walikamatwa baada ya jaribio lao la kutaka kuua wanawake wanne kwa kuwachoma moto kwa imani hizo hizo kushindikana.
Watuhumiwa hao bado wanakabiliwa na kesi mahakamani wakituhumiwa kwa makosa manne ya kujaribu kuua ambayo waliyatenda Septemba 17/2017.

Comments

Post a Comment

Popular posts from this blog

Janga la Yanga si la Kitoto

Image
  JANGA linaonekana kuendelea kuwakabili wawakilishi pekee wa Tanzania kwenye michuano ya kimataifa, Yanga yenye maskani yake Jangwani, Dar es Salaam. Yanga ambao kwa sasa wanaonekana kutokuwa sawa kiuchumi na kiuongozi pia wamekuwa hawapati matokeo mazuri katika mechi zao za kimataifa. Mabingwa hao wa msimu wa mwaka 2016/17 walipata tiketi ya kuiwakilisha nchi mwaka huu kwenye michuano ya kimataifa wakishiriki Ligi ya Mabingwa Afrika. Mambo hayakuwa mazuri kwao kwani walishindwa kuhimili vishindo vya wababe waliokutana nao kwenye michuano hiyo na kujikuta wakitolewa hatua ya kwanza. Kutokana na kufika hatua hiyo kanuni ya Shirikisho la Soka Afrika (Caf) inayosimamia michuano hiyo ikawaruhusu kuangukia kwenye hatua ya mtoano ya Kombe la Shirikisho Afrika ambapo huko walipambana hadi wakafanikiwa kuvuka hatua hiyo mpaka kwenye makundi. Kwenye makundi wamepangwa kundi D pamoja na timu za USM Alger ya Algeria, Rayon Sports ya Rwanda pamoja na Go
Read more

Mwinyi aongoza maziko ya baba mkwe wa Kikwete

Image
RAIS mstaafu wa Awamu ya Pili, Ali Hassan Mwinyi ameongoza maelfu ya watu kumzika baba mkwe wa Rais mstaafu wa Awamu ya Nne, Jakaya Kikwete, Mzee Rashid Mkwachu. Mzee Mkwachu ambaye ni baba mzazi wa Mama Salma Kikwete, alizikwa jana saa 09:45 alasiri katika makaburi ya Kisutu Dar es Salaam. Alifariki dunia juzi baada ya kuugua kwa muda mrefu. Maziko hayo pia yalihudhuriwa na Waziri Mkuu, Kassim Majaliwa, Waziri Mkuu mstaafu Mizengo Pinda, wabunge, viongozi wa sasa wa siasa na serikali pamoja na wastaafu. Akizungumza kwa niaba ya familia, mjukuu wa marehemu ambaye pia ni Mbunge wa Chalinze, Ridhiwani Kikwete alisema Mzee Mkwachu alikuwa rafiki na mtu muhimu katika familia na kuwataka watu kuiga mfano wake huku wakiendelea kumuombea apumzike mahala pema. Viongozi wengine wa kitaifa walioshiriki maziko hayo ni Mwenyekiti wa Taifa wa Chama cha Demokrasia na Maendeleo (Chadema) na Mbunge wa Jimbo la Hai, Freeman Mbowe; Kiongozi Mkuu wa Chama cha ACT- Wazalendo, Kabw
Read more

HII NI NEEMA KWA MRISHO MPOTO

Image
Mrisho mpoto atoa shukrani kwa wananchi Baada ya kitendo cha Wananchi Kumpatia sifa juu ya Kudumisha na kupendelea kuvaa mavazi ya kiafrika ambayo akimalizia kwa kusema Hii ni nema Kwangu na Kuwahaidi watanzania ya Kwamba atakau nao bega kwa bega katika kurinda maadili ya mavazi na kuwashauri wasanii wenzake wajijengee tamaduni ya kutumia mavazi ya kinyumbani katika kazi zao za kisanaa.
Read more